Author: Ashok Kummari

ए बी के न्यूज लाईव्ह  सत्यम गोरा – पेंटीपाका सिरोंचा तालुक्यातील धान उत्पादक शेतकरी सध्या धान पिकावर पडलेल्या किळरोगामुळे चिंतेत सापडले आहेत. आधीच शेतीसाठी लागणारा वाढता खर्च, मजुरी, खते आणि कीटकनाशकांच्या किमती यामुळे शेतकरी आर्थिक अडचणींचा सामना करत आहेत. त्यातच धान पिकावर रोगाचा प्रादुर्भाव होत असल्याने उत्पादनावर परिणाम होण्याची भीती शेतकऱ्यांकडून व्यक्त केली जात आहे.शेतकरी मोठ्या मेहनतीने आणि खर्च करून धानाचे पीक घेतात. मात्र, पीक तयार होण्याच्या महत्त्वाच्या टप्प्यावर रोगाचा प्रादुर्भाव झाल्यास शेतकऱ्यांचे मोठे आर्थिक नुकसान होऊ शकते. त्यामुळे शेतकऱ्यांमध्ये चिंतेचे वातावरण निर्माण झाले आहे.या पार्श्वभूमीवर कृषी विभागाच्या अधिकाऱ्यांनी बाधित शेतांची प्रत्यक्ष पाहणी करून रोगाचे नेमके कारण शोधावे. तसेच रोगाचा…

ABKNEWSLIVE   दि. २० ऑक्टोबर : महाराष्ट्र आणि तेलंगणा राज्यांच्या सीमेवरील प्रसिद्ध तीर्थक्षेत्र असलेल्या कोडिसेलगुडेम येथील श्री रावणब्रह्मेश्वर स्वामी मंदिरात मंगळवारी भगवान रावणम्मा उरेगिंपू (शोभायात्रा) कार्यक्रम मोठ्या भक्तिभावात आणि उत्साहात पार पडला. गोंड आदिवासी समाजाचे आराध्य दैवत असलेल्या भगवान रावणब्रह्मेश्वर स्वामींच्या दर्शनासाठी महाराष्ट्र, तेलंगणा आणि आंध्र प्रदेशातील विविध भागांतून भाविक मोठ्या संख्येने दाखल झाले होते.तेलंगणातील हैदराबाद, हनमकोंडा, वरंगल, कालेश्वरम, खम्मम तसेच आंध्र प्रदेशातील विजयवाडा परिसरातून भाविक सहभागी झाले. महाराष्ट्रातील गडचिरोली, सिरोंचा आणि अहेरी परिसरातील गोंड समाजातील ज्येष्ठ नागरिक, युवक आणि महिला यांचीही मोठी उपस्थिती होती. विशेष पूजा-अर्चा आणि पारंपरिक मिरवणूक कार्यक्रमाची सुरुवात सकाळपासून स्वामींच्या विशेष अभिषेकाने, गोंगो पूजेने आणि महापूजेने करण्यात…

सिरोंचा  प्रतिनिधी/ रमेश सप्पिडी  गडचिरोली जिल्ह्याच्या शेवटच्या टोकावर असलेल्या सिरोंचा तालुक्यातील पोस्ट असरअली अंतर्गत येणाऱ्या गावांमध्ये वीजपुरवठ्याच्या समस्येमुळे शेतकऱ्यांसमोर गंभीर संकट उभे ठाकले आहे. शेतात बोअरवेलची व्यवस्था असतानाही वीज उपलब्ध नसल्याने पाण्याअभावी धानपीक सुकू लागले आहे. डोळ्यांदेखत हाताशी आलेले पीक वाळत असल्याने शेतकरी हवालदिल झाले असून, प्रशासनाने तातडीने दखल घेण्याची मागणी होत आहे.केंद्र सरकारकडून ‘विकसित भारत’चा नारा दिला जात असताना गडचिरोली जिल्ह्यातील दुर्गम आणि सीमावर्ती भागातील शेतकऱ्यांना शेतीसाठी आवश्यक वीजपुरवठ्याची सुविधा मिळत नसल्याची खंत स्थानिक शेतकरी व्यक्त करीत आहेत. शेतीसाठी वीज उपलब्ध नसल्यामुळे पाण्याची व्यवस्था असूनही त्याचा उपयोग करता येत नसल्याची परिस्थिती निर्माण झाली आहे.कष्टाने उभे केलेले धानपीक पाण्याअभावी धोक्यात,शेतकऱ्यांनी…

सिरोंचा | प्रतिनिधी : सिरोंचा तालुका मुख्यालयापासून अवघ्या १० किलोमीटर अंतरावर असलेल्या पेंटीपाका येथे कमी व्होल्टेजच्या समस्येमुळे गेल्या चार दिवसांपासून BSNL मोबाईल सेवा विस्कळीत झाली आहे. नेटवर्क वारंवार बंद पडत असल्याने नागरिकांना मोठ्या अडचणींचा सामना करावा लागत असून, संबंधित विभागाच्या कार्यपद्धतीबाबत नागरिकांमध्ये नाराजी व्यक्त केली जात आहे.मोबाईल नेटवर्क उपलब्ध नसल्यामुळे नागरिकांचा एकमेकांशी संपर्क साधण्यात अडथळे निर्माण होत आहेत. तसेच ऑनलाइन शासकीय कामे, बँकिंग व्यवहार, डिजिटल सेवा आणि इतर महत्त्वाची कामे करताना नागरिकांना अनेक अडचणींचा सामना करावा लागत आहे. ग्रामीण भागात मोबाईल सेवा ही संपर्काचे महत्त्वाचे साधन असताना सलग चार दिवसांपासून सेवा सुरळीत नसल्याने नागरिकांची मोठी गैरसोय होत आहे.कमी व्होल्टेजच्या समस्येकडे…

सोमनूर जुना प्रतिनिधी / रमेश सप्पीडी  महाराष्ट्र-तेलंगणा सीमाभागात लोकप्रिय असलेल्या बथुकम्मा या पारंपरिक फुलांच्या उत्सवाची धूम सोमनूर (जुना) गावात पाहायला मिळत आहे. फुलांची आकर्षक सजावट, पारंपरिक गीते आणि सामूहिक नृत्य अशा उत्साहपूर्ण वातावरणात हा उत्सव साजरा केला जात आहे.बथुकम्मा उत्सवाच्या तिसऱ्या दिवशी गावात विशेष तयारी करण्यात आली. यानिमित्ताने गावातील महिला व पुरुष एकत्र येऊन उत्सवात सहभागी होत आहेत. महिला विविध रंगीबेरंगी फुलांचा वापर करून आकर्षक आणि सुबक बथुकम्मा तयार करतात. त्यानंतर पारंपरिक बथुकम्मा गीते गात महिला फेर धरून नृत्य करतात. या परंपरेमुळे संपूर्ण परिसरात उत्साहाचे वातावरण निर्माण होते.सोमनूर (जुना) गावात गेल्या अनेक वर्षांपासून बथुकम्मा उत्सवाची परंपरा जपली जात आहे. दरवर्षी…

नेलगुंडा भामरागड :-गडचिरोली जिल्ह्यातील नक्षलग्रस्त आणि दुर्गम भागातील नागरिकांना पावसाळ्यात दळणवळणासाठी अनेक अडचणींचा सामना करावा लागतो. नाले व ओढ्यांना पाणी आल्याने नागरिकांची ये-जा अडचणीची ठरते. ही समस्या लक्षात घेऊन पोलीस स्टेशन नेलगुंडा येथील पोलीस अधिकारी, कर्मचारी आणि ग्रामस्थांनी एकत्र येत श्रमदानातून बोगामी नाल्यावर पूल उभारणीचे महत्त्वपूर्ण काम हाती घेतले.या उपक्रमासाठी गडचिरोलीचे पोलीस अधीक्षक मा. एम. रमेश, अभियान विभागाचे मा. सत्यसाई कार्तिक, प्रशासन विभागाचे मा. गोकुळ, प्राणहिता येथील अतिरिक्त पोलीस अधीक्षक मा. हर्षवर्धन तसेच भामरागडचे उपविभागीय पोलीस अधिकारी यांच्या मार्गदर्शनाखाली हा उपक्रम राबविण्यात आला.पोलीस स्टेशन नेलगुंडाचे प्रभारी अधिकारी अजिंक्य इथापे, सहाय्यक परीक्षाधीन पोलीस उपनिरीक्षक राहुल जेंगठे, पोलीस स्टेशन नेलगुंडा येथील सर्व…

ए बी के न्यूज लाईव्ह  ​सेलू/अभय बेदमोहता विभागीय स्पर्धेत दीपचंद चौधरी विद्यालयाचा झेंडा रोवला; जिद्द, चिकाटी आणि अभूतपूर्व सांघिक खेळाच्या जोरावर सेलूच्या लेकींनी रग्बीच्या मैदानावर अक्षरशः इतिहास रचला आहे! जिल्हा क्रीडा अधिकारी कार्यालयाच्या वतीने आयोजित विभागीय शालेय रग्बी क्रीडा स्पर्धेत दीपचंद चौधरी विद्यालय, सेलूच्या संघाने आपल्या शिस्तबद्ध आणि धडाकेबाज खेळाने संपूर्ण स्पर्धेचे लक्ष वेधून घेतले.या दिमाखदार विजयामध्ये विद्यालयाच्या १४ वर्षांखालील मुलींच्या संघाने प्रथम क्रमांक पटकावत विभागीय विजेतेपदाचा मान मिळवला, तर १९ वर्षांखालील मुलींच्या संघाने द्वितीय क्रमांक पटकावून विद्यालयाच्या शिरपेचात मानाचा तुरा रोवला.१४ वर्षांखालील मुलींच्या संघाने अंतिम सामन्यात नागपूर जिल्ह्याच्या तगड्या संघाविरुद्ध जबरदस्त संघर्ष केला. अटीतटीच्या आणि रोमहर्षक झालेल्या या अंतिम…

ए बी के न्यूज लाईव्ह  ​सेलु/अभय बेदमोहता नजिकच्या सुरगाव येथून येळाकेळीकडे कामानिमित्त जात असताना, कोंगा बाभुळगाव येथील अपूर्ण पुलाच्या १५ फूट खोल खड्ड्यात दुचाकीसह कोसळून दोघे जण जखमी झाल्याची थरारक घटना दि.९ आक्टोंबर शुक्रवारचे (रात्री १०:३० वाजताच्या सुमारास) घडली. रुपेश सिंदी मेश्राम वय २६ वर्ष आणि रितीक चेनकार वय २३ वर्ष दोघेही रा.सुरगाव अशी जखमींची नावे आहेत.सुदैवाने लोखंडी सळ्यांवर ते न पडल्याने संभाव्य मोठा अनर्थ टळला आहे   मिळालेल्या माहितीनुसार, सुरगाव येथून काही अंतरावर असलेल्या कोंगा बाभुळगाव येथे मागील अनेक दिवसांपासून पुलाच्या बांधकामाचे काम सुरू आहे. मात्र, या ठिकाणी रात्रीच्या वेळी वाहन चालकांसाठी कोणत्याही प्रकारची सुरक्षेची उपाययोजना करण्यात आलेली नाही. शुक्रवारी…

ए बी के न्यूज लाईव्ह  सेलू/अभय बेदमोहता निसर्गाच्या अवकृपेमुळे कोलमडलेल्या बळीराजाच्या जखमेवर मलम लावण्यासाठी शासनाकडून नुकसानीचे पंचनामे करण्याचे आदेश दिले गेलेत. मात्र, सेलू तालुक्यातील हेलोडी ग्रामपंचायतीत शेताच्या बांधावर न जाता केवळ कागदपत्रांची पूर्तता करून कार्यालयात बसूनच पंचनाम्यांचा ‘उरकाऊ कार्यक्रम’ सुरू असल्याचा धक्कादायक प्रकार उघडकीस आला आहे. एका जागृत शेतकऱ्याने या सर्वप्रकाराची तक्रार थेट उपविभागीय अधिकाऱ्यांकडे केल्यानंतर प्रशासनात एकच खळबळ उडाली. मात्र, त्यावरूनही सर्वसामान्य शेतकऱ्यांची पाहणी न करता केवळ तक्रारदार शेतकऱ्यालाच धारेवर धरण्याचा प्रकार घडल्याने अधिकाऱ्यांच्या कार्यपद्धतीवर तीव्र संताप व्यक्त केला जात आहे.तुम्ही कागद द्या, बाकी आम्ही बघतो!’ अशा पध्दतीने ​मिळालेल्या माहितीनुसार, हेलोडी ग्रामपंचायत कार्यालय परिसरात तलाठी, कृषी सहाय्यक, ग्रामसेवक आणि…

सिरोंचा विद्यार्थ्यांच्या सर्वांगीण विकासासाठी नेताजी सुभाषचंद्र बोस मुलांचे निवासी वसतिगृह, सिरोंचा येथे गृहप्रमुख साईराम सेनिगारपु यांच्या अभिनव संकल्पनेतून सुरू करण्यात आलेल्या ‘अधिकारी संवाद व विद्यार्थी कौशल्य विकास’ उपक्रमाचा दुसरा दिवस वन विभाग, सिरोंचा यांच्या सहकार्याने उत्साहात पार पडला. कार्यक्रमाची सुरुवात सरस्वती पूजनाने करण्यात आली.यावेळी प्रमुख मार्गदर्शक म्हणून भारतीय वन सेवा (IFS) अधिकारी तथा उपवनसंरक्षक श्री. नवकिशोर रेड्डी, वनपरिक्षेत्र अधिकारी श्री. राजेश अंधारे आणि परिविक्षाधीन वनपरिक्षेत्र अधिकारी श्री. अमित पवार उपस्थित होते.या उपक्रमातून विद्यार्थ्यांना विविध क्षेत्रांतील अधिकाऱ्यांशी थेट संवाद साधण्याची संधी मिळत असून, त्यांच्यामध्ये आत्मविश्वास, संवादकौशल्य, नेतृत्वगुण, निर्णयक्षमता आणि व्यावहारिक ज्ञान विकसित करण्यावर भर दिला जात आहे. वन विभागाच्या मार्गदर्शनातून विद्यार्थ्यांना…